𝘽𝙪𝙬𝙖𝙣 𝙣𝙜 𝙒𝙞𝙠𝙖𝙣𝙜 𝙋𝙖𝙢𝙗𝙖𝙣𝙨𝙖 : “𝙁𝙞𝙡𝙞𝙥𝙞𝙣𝙤, 𝙒𝙞𝙠𝙖𝙣𝙜 𝙈𝙖𝙥𝙖𝙜𝙥𝙖𝙡𝙖𝙮𝙖”

Silang,Cavite- Ang Akademya ng Pambansang Pampulisya ng Pilipinas ay makulay na ginunita ang Buwan ng Wikang Pambansa na may temang “Filipino, Wikang Mapagpalaya” kasama ang panauhing pandangal at tagapagsalita na si Kongresista Richelle Louise Singson-Michael ng “Ako Ilocano Ako Partylist”. Ang masayang pagtatapos ng Buwan ng Wika ay naganap sa BGen Cicero Campos Grandstand, Camp General Mariano N Castañeda, Silang, Cavite ngayong Agosto 30, 2024.

Ang Buwan ng Wikang Pambansa ay ginuginuta sa buwan ng Agosto na sumasalamin sa mayamang kasaysayan, kultura, tradisyon, at identidad na sumisimbolo sa pagka Pilipino. Ang tema ngayong taon na “Filipino, Wikang Mapagpalaya” ay nagpapaalala lamang sa atin na ang Wikang Filipino ay isang makapangyarihang papel tungo sa pagkakaisa at paglaya, na kung saan mas malaya nating naipapahayag ang saloobin, adhikain, at pangarap bilang isang mamayang may malayang bayan.

Tunay nga, na ang Wikang Filipino ang nagsisilbing daan at boses sa Kalayaan- Kalayaan na sa bawat salitang binibigkas natin ay nagbibigay boses at diwa ng pagka Pilipino, isang diwang may pagmamahal sa kapwa, takot sa Diyos, may malasakit sa Bayan at Kapaligaran, at higit sa lahat may pangarap sa Bansang Pilipinas sa mas maunlad na kinabukasan.

#TeamPNPA#gustongpulisligtaska#BagongPilipinas